ባለቤቱ ያቀለለውን አሞሌ እንዲሉ

 

ከዚህ በፊት በኢትዮጲያ ያለው የሳውዲአረቢያ ኤምባሲ ለአክራሪነት እርዳታዎችን ያደርጋል ለዚህም ደግሞ ከኤምባሲው ጋር ግንኙነት አላቸው ያለውን በኦሮሚያ ክልል አክራሪነትን አስፋፍተዋል የተባሉት የአቶ ጁነዲን ሳዶ ባለቤት ወ/ሮ ሐቢባ መሐመድ የእምነት ነፃነትን በመቃረን ከራሳቸው አክራሪ አስተሳሰብና አስተምህሮት ውጪ በኢትዮጵያ ውስጥ ሌላ እምነትና ሃይማኖት መኖር የለበትም በሚል ሃይማኖታዊ መንግሥት ለማቋቋም ሲንቀሳቀሱና ሲያስተባብሩ ተይዘዋል  እያለ ወያኔ ሲከስ  ዛሬ ደግሞ በወገኖቻችን ላይ እየደረሰያለውን ግፍ እና መከራ ያበቃ ብሎ  በኢትዮጲያ ባለው የሳውዲአረቢያ ኤምባሲ ሰላማዊ ሰልፍ የወጣውን ህዝብ መደብደብ ማሰር ማገድ ምን ማለት ነው? ስለ ወገኖቹ መቆርቆር ሰላማዊ ሰልፍ መውጣት ምኑ ላይ ነው ክፋቱ? እኔ ያልኩት ብቻ ማለት ካልሆነ በስተቀር ይህ ምን የሚሉት ነው?ለዛውም ለአፍሪቃ  ዲሞክራሲን ያሳየን እኛ ነን  ለኢትዮጲያ የማውቀው እኔ ነኝ ከሚለው ወያኔ ስራ በዛብኝ የተቃዋሚዎችን ስራ ሁሉ ደርቤ እየሰራሁ ነው የሚል የሃገር መሪ ነኝ ያለን ዛሬ ግን ምን ነካው ተቃዋሚዎች ናቸው ለህዝብ ሲቆረቆሩ ሲጮሁ ሲሰሩ የሚታዩት ለዛውም መሰራት ያለበትን ትንሹን ስራ አትሰሩም እየተባሉ ባለቤቱ ያቀለለውን አሞሌ እንዲሉ ሆነ ሁሉም ነገር ግዜ ይወስዳል እንጂ ወደ ፍርድ መመጣቱ አይቀርምና ለዛውም በህዝባቸው ግፍ የሚያደርጉ በአለም አቀፍ ፍርድቤት ቀርበው በሚፈረድባቸው ዘመን ቀኑ አሁንም አልመሸም ከዚህም የከፋ እንዳይመጣ አይምሮአችንን ለበጎ ብንጠቀምበት እና ለኢትዮጲያ ህዝብ ሁሉ የሚበጀውን ብንሰራ ጥሩ ነው
ድል ለኢትዮጲያ ህዝብ
እግዚአብሄር ኢትዮጲያን ይባርክ

የኢትዮጵያ መንግሥት ከሳውዲ አረቢያ መንግሥት ጐን በመቆም ዋና ተባባሪ መሆኑን በዛሬው እለት አስመስክሯል!

    

November 15/2013
በሳውዲ አረቢያ በሚገኙ ዜጎቻችን ላይ እየደረሰ ያለው በደል እና ስቃይ መጠኑ ከመጨመር አልፎ ሕይወትን እስከማሳጣት መድረሱ የሚታወቅ ነው፡፡ ይህን በደል እና ስቃይ ለመቃወም እና ሀዘናችንን ለመግለፅ በዛሬው ዕለት ማለትም ህድር 6 ቀን 2006 ዓ.ም አዲስ አበባ በሚገኘው በሳውዲ አረቢያ ኢምባሲ ፊት ለፊት ሰላማዊ ሰልፍ የተጠራ ቢሆንም በመንግሥት ታጣቂዎች በተወሰደ በአሰቃቂ እርምጃ ሰልፉ ሊካሄድ አልቻለም፡፡
እኛ ኢትዮጵያን በውጭ በሚገኙ ዜጐቻችን ላይ የሚደርሰው በደልና ግፍ እንዲቆም፣ ይህንንም ድርጊት የፈፀሙት ለሕግ እንዲቀርቡና የተጐዱ ዜጐች ተገቢውን ካሳ እንዲያገኙ፤ የኢትዮጵያ መንግሥትም በዜጐቹ ላይ ያሳየውን ቸልተኝነት በአስቸኳይ በማቆም ተገቢ የሆነውን የመንግሥት ኃላፊነት እንዲወጣ ቢጠየቅም፤ ሰልፉ በተቃራኒው በመንግሥት ታጣቂዎች በተወሰደ አሰቃቂ እርምጃ ተጠናቋል፡፡
በሳውዲ እየተፈፀመ ያለውን በደል በመቃወም በዓለም አቀፍ ደረጃ ኢትዮጵያዊያን ድምፃቸውን በማሰማት ላይ ቢሆኑም እኛ ኢትዮጵያዊያን ግን በገዛ ሀገራችን ድምፃችንን እንኳን እንዳናሰማ ታፍነናል፡፡ በዚህም እንቅስቃሴ ላይ የተሳተፉ የሰማያዊ ፓርቲ አመራሮች፣ አባላት፣ ደጋፊዎችና ሌሎች የኅብረተሰብ ክፍሎች ከፍተኛ ድብደባ፣ እንግልትና እስር ተፈፅሞባቸዋል፡፡
የመንግሥት ፖሊሶች የራሳቸውን ዜጋ በመደብደብና በማሰቃየት ብሎም በማሰር በሳውዲ በሚገኙ ኢትዮጵያዊ ወገኖቻችን ላይ የተፈፀመውን በደል ሀገር ውስጥ በሚገኙ ንፁሐን ወገኖቻቸው ላይ ደግመውታል፡፡
ይህ በውሸት ዲሞክራሲ ስም የተደበቀው አምባገነን መንግሥት ሕዝብን ለማሸማቀቅ የወሰደውን እርምጃ ወደ ጐን በመተው የኢትዮጵያ ሕዝብ ቅድም አያቶቹን በማስታወስ ያስረከቡትን ክብር ከማስመለስ ወደ ኋላ እንደማይል እርግጠኛ መሆናችንን እንገልፃለን፡፡
ፓርቲያችን እንዲህ አይነቱን የለየለት የመንግሥት ሕገ ወጥ ተግባር ትኩረት ሰጥቶ የሚመለከተው መሆኑን እየገለፅን፤ ዓለም አቀፉ ማኅበረሰብና መላው የኢትዮጵያ ሕዝብ ከጐናችን እንዲቆም በአፅንኦት ጥሪያችንን እናስተላልፋለን፡፡
ህዳር 6 ቀን 2006 ዓ.ም